NO, 

    SICILIANI ! 

CANCIA LA SORTI SI VUI LU VULITI

No, siciliani,

nun appartegnu cchiù a ‘sta razza,

nun appartegnu cchiù a ‘sta genti,

ca lassa fari;

sta genti carcirata

fora di l’ Ucciarduni,

chi sinni futti

e ca nun s’incazza.

No, siciliani,

nun appartegnu  cchiù a ‘sta razza

di carcirati,

di genti addurmisciuta

ca nun prutesta

e ca si fa ammazzari,

ca s’accuntenta

senza parlari,

‘sta genti sciapa,

‘sta genti pazza;

no, siciliani,

nun ppartegnu cchiù a ‘sta razza

di patri senza sangu ‘ntà li vini

ca vidi moriri i figghi

c’’a scuma a’ vucca,

strafatti d’iruina,

senza parlari,

comu s’’a droga fussi ‘na pesti

ca veni ‘i fora

e ch’un si po’ firmari.  

 

Chi campi a fari

patri disonoratu

quannu ti morsi un figghiu

e cu’ ti l’ ammazzò

‘u ‘ncontri tutti i iorna,

‘o bar, ‘nta strata,

vicino a’ scola media

e ‘ntà putìa?

Patri vigliaccu,

chi campi a fari

quannu ti morsi un figghiu

o ca ‘mpazziu

pi’ chiddi ca ci dettiru ‘u vilenu,

ca ‘ncontri tutti i iorna

‘nto’ risturanti ‘i lussu

e ‘nta’ l’ albergu,

‘nta’ l’apparecchiu ‘i Roma,

c’’u cudazzu

di tanti liccaculu

di palazzu.

No, siciliani,

nun appartegnu cchiù a ‘sta razza

di patri ‘i merda

ca stannu zitti

inveci di parrari:

patri di merda

e chi campati a fari?  

Terra di carcirati ‘sta Sicilia,

chi stannu tutti ‘i fora

‘i l’ Ucciarduni,

di pupi morti,

spugghiati di curazza;

no, sicilini,

nun appartegnu cchiù a ‘sta razza!

Nun appartegnu cchiù a ‘sta razza!

Pi quattru sordi ‘i merda

t’’a vinnisti

‘a vita di to’ figghi;

ti la vinnisti

‘a terra di’ to’ avi;

ti lu vinnisti

l’ unuri e ‘a lialtà

ch’era la forza

d’’a sicilianità.

E’ cchiustu lu to’ sbagghiu:

pirdisti lu cunsenzu

d’’a  “genti ca’ nun parla”,

comu lu brigatista

ch’era l’ eroi

e dopo addivintò

‘n “ammazza boi”.  

L’ unici ca ci ponno

su’ i carusi

o i picciotti,

chiamali comu vo’;  

Sunnu ‘i Palermu,

‘i Catania  e di Missina;

sunnu ‘a spiranza,

beddi comu ‘u suli,

libbiri, seri,

studenti  o muraturi;

sunnu ‘a spiranza,

sunnu ancora ‘u Vespru,

onesti, chiari,

ch’’un vonnu accittari

‘stu munnu i merda

ca ci vonnu dari.  

Iddi sì ca su’ forti,

muraturi o studenti,

e si sfidanu ‘a sorti,

li chiami ‘ncuscienti?

Picciotti, ‘nsurgiti

ch’ogni cosa putiti

e quannu chiamati

pi scinniri ‘nta chiazza,

sciunnu subitu a diri

CH’ APPARTEGNU SI' A ‘STA RAZZA,

ca si seppi lavari

la lurdura ‘nfamanti

di mircanti di morti,

assassini d’infanti,

chi d’un jardinu

ficiru un disertu,

chi di la Grecia

passaru ‘o mediuevu;

cà si scurdaru

‘i Verga e di Brancati,

Fidiricu sicunnu,

Quasimudu, Eschilu,

Martinu, Antunellu,

D’Alcamu,

Capuana

E Pirandellu:

 

Di l’ artisti di oggi

nun ni parlu; e mi urta

‘u silenziu chi dici

ca si cacanu ‘i sutta.

E si ‘sta filastrocca,

ca scrissi in lingua antica,

c’’a rima in settenari

p’essiri cchiù capita,

vulissiru firmari

(cosa ca pari pazza)

mi mittissi a gridari

ch’appartegnu a ‘sta razza.

A l’amici di fora

ca ni vardanu stortu,

e ‘o statu attuali

nun ci po’ dari tortu,

quattru righi arrialu

‘nta la lingua italiana

di la Scola ca poi

si chiamò Siciliana.

 

Guardate a questa Terra Antica

come al vostro giardino fiorito

di rose a Maggio e tulipani,

d’ ortensie e di mimose.

Guardate a questa Terra Antica

come al vostro giardino che amate,

con la gramigna e l’ ortica

che vanno estirpate.

Guardate a questa Terra Antica

Come all’ uscio di casa

Sul nostro Padre Mare Mediterraneo;

Egli è lì che vi aspetta d’estate,

in simbiosi col sole;

che vi abbruna la pelle

sulle sabbie deserte

di questo lembo di Terra

che vi appartiene,  

Parlate

col contadino

e il pescatore di Sicilia;

parlate

con l’ onesta gente di Sicilia;

parlate di albe e tramonti,

della fatica del giorno

e dei sogni la notte,

del sapore dell’ acqua

e l’ odore pulito dell’ aria;

dei colori leggeri del Tempo

e dei sogni la notte…

e scoprirete un mondo

CHE VI APPARTIENE.

 

                    (Il Bel Vecchio di un giorno antico)

RETURN HOME PAGE